Ek Kahaani…

#fiction #Hindi #story #storyteller #tapeatale #tarunsays

Manjari tha uska naam…

Pata nahi kiya tha maine, aur pucha bhi nahi tha usse, suna tha shayad kahi se…

Koi aawaz dekar pukar raha tha usko…

Uska koi apna hi hoga…

Socha maine yahi tha… Aur maan bhi liya tha…

Bas phir kya tha… Kahaani shuru hone wali thi shayad…

Magar kaise???

Main waha photography kar raha tha…

Dekha palat kar…

Ekdum se wo aayi mere pass… Sunset ka time tha…

Boli mujhe…

aap mera ek photo nikaloge kya?

Suraj ko nigalte huye…

Main jara sa muskuraya… Aur wo bhi…

Aur maine kaha jarur…kyu nahi…

Jao waha kinare par, aur jaisa main kahu waise karna…

Maine guide kiya usko… Aur nikale photos kuch…

Photos lene ke baad, maine bulaya usko aur kaha ho gaya aa jao…

Wo aayi daudti huyi… Ret udate huye apne pairo se…

Batao kaise photos hai, usne pucha…

Maine dikhaye usko… Wo dekh ke muskurayi…

Aur kaha wahh… Kya photo aaya hai…

Maine kaha wo sab to thik hai… Magar tum ye photos logi kaise… Chaiye nahi tumko?

Usne kaha… Nahi chaiye… Rakho apne pass…

Arey, Maine pucha kyu lekin?

Usne dur jate huye kaha…

Bas rakhna apne pass aur Yaad rakhna ek ladki hai jo suraj ko bhi nigal sakti hai….

Jor se haste huye wo kisi ke sang dur Jaane lagi…shayad wo saath me thi kisi ke…

Ek muskan aayi mere chehre par aur bas…

Main usko lehro ke shor ke saath ojhal hote dekh raha tha…

Bas…

Chali gayi wo kahin…

with love ~T@ROON