Broken tale !!!

Haa Aaj maine kuch tutate huye dekha hai.. Rishton me chhupi darar ko simte huye dekha hai..

Muskurahat me ozal aansuon ki tasveer ko bante dekha hai.. Suraj ki roshni me ummed ko pigalte huye dekha hai..

Apno ki bandhi bediyo me, khud ko ulajate huye dekha hai.. Hawayon me guli berukhiyo ko, khud par baraste dekha hai..

Ek deepak ke jalte shamiyane ko, bujate huye dekha hai.. Uske saaye me kaid, apni parchai ko dekha hai..

Makaan me basi khamoshiyo ko, haste huye dekha hai…Raaste me kisi ajanabi ko gujarate huye dekha hai..

Har pal, har waqt, har ghadi, ek kisse ko kahani bante huye dekha hai.. Tinke tinke se buni ek zindagi ko, khawabo ki tarah bikharte huye dekha hai…

Haa Aaj maine kuch tutate huye dekha hai..

With Love ~T@ROON 📝